Олон улсын хүүхдийн эрхийг хамгаалах өдөр буюу Эх үрсийн баярыг тохиолдуулан Монгол Улсын Ерөнхийлөгчийн зарлигаар "Алдарт эх" нэг, хоёрдугаар зэргийн одонгоор шагнагдсан эхчүүдэд одон гардуулах ёслолын арга хэмжээг сумын ИТХ болон Засаг даргын ажлын алба, Соёлын төв хамтран зохион байгууллаа. 2023 онд Тосонцэнгэл сумаас 27-47 насны 15 эх шагнагдаж байгаа ба одонг сумын ИТХ-ын дарга Д.Отгонжаргал, Засаг дарга Ц.Мөнхөө, ЗДТГ-ын даргын үүргийг түр орлон гүйцэтгэгч С.Лхагвачулуун нар гардууллаа. Мөн 3 охин, 3 хүү дараалан төрүүлсэн бэрүүдэд "Уран бэр", "Дархан бэр" цол, тэмдэг хүртээж, Тосонцэнгэл сумын 3 ихэр хүүхдүүдэд тус тус хүндэтгэл үзүүллээ. Ёслол хүндэтгэлийн арга хэмжээнд оролцсон ээжүүд тэдний гэр бүлд баяр хүргэж, амьдралын гэгээн сайхныг хүсэн ерөөе. Монголын үрс маш олон болтугай.