Аймгийн Засаг даргын захирамжаар батлагдсан "Залуучуудын хөгжлийн сарын аян"-ы хүрээнд Тосонцэнгэл сумын Залуучуудын анхдугаар чуулганыг сумын ИТХ, ЗДТГ, ЭМТ хамтран зохион байгуулав. Чуулганы зорилго нь сумын залуучуудын хөгжлийг дэмжих салбар зөвлөлийг байгуулах, Залуучуудын холбооны ажлыг эрчимжүүлэх, залуучуудын нийгмийн идэвх оролцоог нэмэгдүүлэхэд чиглэгдсэн юм. 

Чуулганы хүрээнд залуучуудад хууль эрхзүй, эрүүл мэнд, гэр бүлийн боловсролын чиглэлээр мэдээлэл хүргэхээс гадна сумын Залуучуудын холбооны ажлын тайлантай танилцаж, залуусын тулгамждаж буй асуудал, шийдвэрлэх арга замын талаар санал сэтгэгдлийг сонслоо.